Auzoko gune ezberdinetatik eskolara doazen ibilbideak dira. Ekimen honen helburua auzoa eta bertako kaleak neska-mutikoentzat berreskuratzea da. Horrela, guztiontzako auzo atseginagoa eraikiz. Auzo seguruago bat lortzeko zure begiak ere behar ditugu.
Honetarako auzokideen laguntza eta DENDA LAGUN-en laguntza daukagu. Hauek ezagutuak izango dira erakusleihoan izango dituzten pegatinei esker, horrela umeek jakingo dute nora jo laguntza behar izanez gero.
Zuei eskatzen dizuegu zuen begirada eskolara joateko bide lagunekin datozen umeen gain jartzea eta errepidean arreta azkeneraino eramatea, umeak kaletik bakarrik dabiltzatelako.
